仁芝初

Open Now

Now Closed

食完晚飯打算食甜品，就去左呢間仁芝初到食，聽講幾出名，出名中式甜品。我地3個人分別叫左芝麻糊拼杏仁露，合桃露拼紅豆沙，法式紫米露。首先評價係圖片同真實既樣係完全唔同。Menu見到既雙拼係明顯，但實物係隨便倒落去比我地。自己本人係食芝麻糊拼杏仁露，因為上到黎已經係mix埋一齊，所以食唔出係芝麻糊定杏仁露出味啲。而且明顯見到一舊舊，係煮既時候搞唔均勻。合桃露拼紅豆沙都係上述情況。我朋友叫左法式紫米露，佢反映係三個之中最貴亦最唔好食。首先椰汁少，紫米露唔甜，燉蛋過老，食緊沙咁，明顯係見到係沙，好似煮熟蛋黃個種。只食一次就算了。