Itamama (東港城) (Closed)

今日早左放工, 一於同同事食返個下午茶先, 東港地呢間餐廳成日都好多人排隊架, 今日終於有機會試一試。我地點左2個餐分黎食, 可以試多啲唔同嘢。公司三文治跟薯條, 用木盤上菜, 有啲文青感覺。麵包厚切, 都鬆軟嘅, 如果再熱啲就更好味! 三文治都幾大件, 好有飽足感!!!!另外仲點了鮮茄焗豬排飯, 賣相唔錯, 可惜嘅係佢個飯底唔係炒飯底, 有啲失望。味道都正正常常, 如果多啲汁就更好呢~同事點的特飲, 好似係青蘋果梳打, 佢話都唔錯, 唔太甜。凍奶茶飲落有茶味, 都ok~食完其實都覺得有啲失望, 之前食過其他分店, 都比呢間好食, 可能佢地嘅pizza或者意大利粉比較好。