Video
Read full review
2020-02-27
228 views
紀念日一年一次, 必須要保持儀式感, 食餐好d既浪漫下慶祝下, 今次揀左蠔灣, 早兩個星期就打黎訂位! 餐廳原來唔係好大, 燈光昏暗幾寧靜, 望下menu見生蠔真係好多款, 唔係太識揀, 所以叫左老闆幫我地揀左6款, 每款兩隻試下, 建議唔太識揀既都可以咁做, 老闆都好樂意幫忙另外我地自己叫左皇帝蜆, 皇帝蜆好少有, 要睇佢當唔當造, 產量唔多, 唔係時時有得食! 仲有龍蝦刺身, 活赤貝同埋馬糞海膽。成個海鮮盤上枱時真係超吸引, 碎冰底下有LED燈, 盤既下層比你放殼, 依d細節位做得唔錯Honey Point $34South. Africa Roc $33Fine De Claire $36Lambert n2 $42Majestic n2 $42Gillardeau n0 $626款生蠔由淡口食起, 每款都好新鮮, 要數我最中意就係來自法國既Gillardeau n0, 亦都係當中價錢最高既, 蠔肉肥美結實又有彈性, 味道鮮甜得黎有層次, 海水味同香濃蠔味係口腔入面徘徊, 絕對係超高質!皇帝蜆十分有份量, 未試過食咁肉厚既蜆, 鮮甜到不得了! 活赤貝雖然都好新鮮, 但比皇帝蜆搶哂
餐廳原來唔係好大, 燈光昏暗幾寧靜, 望下menu見生蠔真係好多款, 唔係太識揀, 所以叫左老闆幫我地揀左6款, 每款兩隻試下, 建議唔太識揀既都可以咁做, 老闆都好樂意幫忙另外我地自己叫左皇帝蜆, 皇帝蜆好少有, 要睇佢當唔當造, 產量唔多, 唔係時時有得食! 仲有龍蝦刺身, 活赤貝同埋馬糞海膽。
成個海鮮盤上枱時真係超吸引, 碎冰底下有LED燈, 盤既下層比你放殼, 依d細節位做得唔錯
Honey Point $34
South. Africa Roc $33
Fine De Claire $36
Lambert n2 $42
Majestic n2 $42
Gillardeau n0 $62
6款生蠔由淡口食起, 每款都好新鮮, 要數我最中意就係來自法國既Gillardeau n0, 亦都係當中價錢最高既, 蠔肉肥美結實又有彈性, 味道鮮甜得黎有層次, 海水味同香濃蠔味係口腔入面徘徊, 絕對係超高質!
皇帝蜆十分有份量, 未試過食咁肉厚既蜆, 鮮甜到不得了! 活赤貝雖然都好新鮮, 但比皇帝蜆搶哂風頭龍蝦刺身彈牙帶脆口, 馬糞海膽都唔少得, 比左帶鹽既紫菜夾黎食, 正!
鵝肝多士
一上枱已經聞到鵝肝既香氣, 鵝肝厚身過塊多士, 表面光澤, 未放入口已經流哂口水, 咬入去軟綿, 油脂溢出成口充滿甘香, 人間美味!
龍蝦湯
濃而不咸, 濃稠度岩岩好, 飲得出應該有放埋蝦殼打碎再煮再熬製, 如果唔係唔會咁濃郁~
龍蝦意粉
呢碟應該係我暫時食過最好食既龍蝦意粉, 除左拆肉龍蝦肉之外, 煮意粉用既龍蝦汁都用左龍蝦殼熬製, 醬汁濃而不膩, 充滿龍蝦香氣! 唔會係意粉還意粉, 龍蝦還龍蝦, 成件事融合得好好! 超出色!
今晚依餐晚餐我地比滿分, 食材本身質素好Top, 廚師亦煮得用心, 比得起酒店級有餘, 推介!
Post
