潮洲滷 (Closed)

 今日同呀爸行開水渠街，見到間滷水店，佢停左一停望左一陣，話不如今晚加料食滷味😂😂。做仔既，呀爸想食，就點都要聽話要買既！望下望下，揀下揀下，揀左二百幾蚊。有半邊滷水鵝，幾條滷水大腸、豬耳、滷水鵝亦，算平啦！不過買完先記得，呀爸係用假牙😂😂。開餐時間到，諗住呀爸咬唔到，點知食得最多係佢。佢話今日見到d滷水鵝肥又滷得上色，應該幾好味，老人家就真係家中之寶，經驗老到，睇個樣就知好唔好食，不過都要間嘢有料到！滷水鵝片同鵝亦好夠淋，夠入味，大腸都唔錯，比起打冷有過之而無不及。豬耳仔入味得黎又爽口。諗唔到食乜餸?加返個滷味都唔錯！