Tamago-EN (Olympian City 2)

呢間餐廳由covid 開業到而家成日都好想試下，前幾日機緣巧合下去左同朋友食。

叫左$128 炸豬扒炸蝦蛋包飯，可惜唔記得影相但得3粒尾指咁大既豬扒同2條又係尾指大既蝦。成碟野既味道只可以講唔難食，只要你對食物冇期望冇要求。

不過如果有小朋友比佢地去玩應該係開心既，負責遊樂設施個姐姐都對小朋友好friendly 好好人，又有送小玩具比佢地。

反而reception 負責叫飛安排座位個阿姐就西口西面，唔想你幫襯咁。

結論：唔會有下次。唔知點解可以咁耐都仲喺度，可能又係信和旗下🤷‍♀️大角嘴咁多好食既小店真係唔需要喺度食。