榮哥廚房私房菜

Open Now

Now Closed

之前朋友介紹開，決定今晚一家四口嚟到位於觀塘工業大廈嘅榮哥廚房私房菜食晚飯！我哋揀咗呢個四人餐，好似好豐富呢！先來個前菜，左邊係涼拌黑木耳，右邊係陳醋麻花青瓜，用黎醒口開胃一流！沙律菜係自家種嘅水耕有機生菜！糖心蛋配厚切茄子，值得一讚嘅係佢個黑魚子醬用黎點個炸茄子食，非常惹味！阿媽讚口不絕燉湯分別係海底椰鱷魚肉湯及哈密瓜螺頭湯，兩款都極之鮮甜！呢味菜叫蝦水芙蓉，底下係超級嫩滑既蒸蛋，蝦肉非常爽口彈牙，好好食海斑兩色分別係炒班球及炆頭腩，炒班球魚肉爽口彈牙，炆頭腩皮脆肉亂滑，兩款都係超水準之作士多啤梨排骨，甜甜嘅士多啤梨醬可以解膩，排骨腌製得非常入味，又淋又滑！魚湯浸溫室菜苗，魚湯鮮甜，配上菜苗一起吃非常之夾！最後嚟到炒飯部份，炒飯有大量嘅帶子、瓜粒及黑蒜等，用料一啲都不吝嗇甜品竟然係我至愛嘅薑汁黑芝麻湯圓，每人三粒真係剛剛好！