拉麵台風 (Moved) New Location

天氣轉涼，又係時候食拉麵啦，到了荃灣有名的拉麵台風，公司同事成日黎排隊食，自己則是第一次黎，小試牛刀，食個原味先。汽水（$12/ea），其實店內有檸檬水供應，但是晚好想飲汽水就加了，熱騰騰嘅拉麵配冰凍汽水真係好正㗎。黑色暴雨拉麵（$85）同事試左新嘅黑色暴雨拉麵，是黑蒜油+黑芝麻+麻辣椒湯底，飲落好香芝麻味，感覺有點芝麻糊，只有微微辣而已，哈哈，湯底係幾正喎。魚介豬骨湯拉麵（$78）自己點左第一款，上枱時超香呀。麵條彈牙爽口，完全無鹼水味，正。至愛溏心蛋，流心蛋黃勁好味。湯底勁濃郁，飲完係會黏住個口唇㗎，豬骨味勁重，魚介粉慢慢溶落湯底中，帶出鮮味來，個湯底勁好味。不得不提呢度個麵底比一般拉麵店大個，超大碗超級飽，食完一碗飽到上心口，哈哈。