我哋坐喺近窗位置，唔近食物枱，但我覺得都ok，個景開揚啲。6:30pm去到都唔多人，但坐坐吓就已經滿坐，所以就算平日去都係訂位先隱陣。
1
我哋第一樣去攞嘅就係燒鵝同海南雞，因為男朋友記得佢嘅燒鵝髀係有限供應，所以一定要去攞左先。我就拎咗海南雞飯加3件燒鵝髀，廚師將燒鵝放落個爐道熱一熱先再俾我。燒鵝有啲肥，都幾香，但皮唔脆。海南雞係滑嘅，如果油飯再香d就更好食。
1
2
之後就開始食凍海鮮，龍蝦正常，青口好大隻，幾嫩滑。刺身我話每款都要，廚師俾咗每款三片，好多！全部都幾好食😋。
當晚嘅燉湯係黨參燉烏雞，好甘甜，好飲。
最好食係鵝肝多士，每塊鵝肝有成8cm左右咁厚，口感嫩滑，夾埋件甜梨食，超正，食咗兩件。😋😋
燒牛肉就個邊乾咗，中間位都嫩嘅。
甜品我飲咗碗雪耳雪梨糖水同埋食咗件榛子拿破崙，兩樣都唔錯。
最後侍應捧上生日蛋糕，細細件外型唔算好出色但勝在朱古力mousse好香滑。
熟食隔離仲有檸檬茶可以任飲，茶味夠濃。
全晚食物總括嚟講都好食，係我個人最鍾意嘅自助餐餐廳。
