岩岩又去食，係因為本身想行書展，但條隊一路行越行越遠行到鷹君中心，又熱又攰，就放棄做偽文青，離隊去搭船過海。海港城想搵野食，除左 Greyhound 其他都排好長隊。 Greyhound 都有條隊，但等左唔到 10 分鐘就入得喇
雖然第一樣尼既係鹹牛肉意粉，但因為佢本身乾身，2 個人分唔會覺得太飽/滯。個鹹牛肉鹹度適中，唔會太鹹驚腎虧
然後就到我心目中既前菜 手包粉卷。包起上尼會有少少狼狽，因為辣肉醬有汁，會流出尼，但係個肉醬好好味。綠色個個汁就比較"青"既感覺。基本上我都只係包肉醬，都食哂
泰式牛肉湯米 - 好有我之前係清邁食既牛肉粉感覺！好中意個湯，少少濃味，粉都好多。如果我唔係食左意粉打底，我一個人可以 KO 成碗。仲有幾隻調味料比你加落去，我當然係加辣啦
每次都一定要食既主角 - 單骨雞翼！單骨方便食就唔在講啦，佢真係炸係香口得尼，又保留到肉汁，調味又剛好。2 個人分一碟其實都有少少唔夠。
