Video
Read full review
2017-04-27
275 views
我哋嘅一周年紀念，佢一早答應同我去食日本野慶祝，估唔到佢揀咗我最鍾意嘅餐廳之一: 上岸料理！雖然驚喜欠奉，但係佢知道我每次食完上岸都對佢念念不忘，所以直接將驚喜化成實際喜悅，我當然照單全收，興致勃勃！上岸既刺身係我Favour，新鮮、精緻、魚種特別係我對佢既評價。今天我選擇左以下心水刺身。海膽 HK 200鮮橙色海膽係顏色上睇已經見到新鮮既滋味。入口即溶，甘甜無比，好正！帶子 HK 90 紫菜包住帶子，兩種味平衡共存又唔會互相搶到對方即特色。呢個帶子非常鮮甜，有驚喜！食一個真係唔夠喉。深海池魚 HK 120/2件彈牙、厚切，魚味鮮，果然係深海池魚嘅魅力！螢光魷魚(熟) HK 78螢光魷魚一般都係醬汁調左味，大廚特登將魷魚煮熟，再加上啫喱醋，熟左既螢光魷魚鮮味依然突出，冇咗醬油，反而仲能夠食到 魷魚本身嘅鮮味同特性。推薦！吉列炸蠔 HK 85 / 4 隻呢個吉列蠔外皮爽脆，一啲都唔油，食落卜卜聲，好正！推薦大家點呢個吉列汁，絶配！呢隻蠔炸完已經收乾晒水，蠔味並唔係太強烈。燒銀雪魚 HK 150塗左調味再燒既銀鱈魚，外表皮脆、內裏肉嫩，雪白嘅銀雪魚係人人都會鍾意嘅口味。壽司揀咗海膽牛油果卷
雖然驚喜欠奉，但係佢知道我每次食完上岸都對佢念念不忘，所以直接將驚喜化成實際喜悅，我當然照單全收，興致勃勃！
上岸既刺身係我Favour，新鮮、精緻、魚種特別係我對佢既評價。今天我選擇左以下心水刺身。
海膽 HK 200鮮橙色海膽係顏色上睇已經見到新鮮既滋味。入口即溶，甘甜無比，好正！
帶子 HK 90 紫菜包住帶子，兩種味平衡共存又唔會互相搶到對方即特色。
呢個帶子非常鮮甜，有驚喜！食一個真係唔夠喉。
深海池魚 HK 120/2件
彈牙、厚切，魚味鮮，果然係深海池魚嘅魅力！螢光魷魚(熟) HK 78
螢光魷魚一般都係醬汁調左味，大廚特登將魷魚煮熟，再加上啫喱醋，熟左既螢光魷魚鮮味依然突出，冇咗醬油，反而仲能夠食到 魷魚本身嘅鮮味同特性。推薦！吉列炸蠔 HK 85 / 4 隻
呢個吉列蠔外皮爽脆，一啲都唔油，食落卜卜聲，好正！推薦大家點呢個吉列汁，絶配！
呢隻蠔炸完已經收乾晒水，蠔味並唔係太強烈。燒銀雪魚 HK 150
塗左調味再燒既銀鱈魚，外表皮脆、內裏肉嫩，雪白嘅銀雪魚係人人都會鍾意嘅口味。壽司揀咗海膽牛油果卷 HK 160
中意海膽， 所以壽司都揀咗同海膽有關嘅款式。海膽上仲有幾粒魚子，更添矜貴。
牛油果裏面仲用紫菜包住，口感豐富。清清地嘅食材，反而食得出最原始嘅風味。
甜品要左番薯雪糕，食到紫薯香，甜蜜蜜。
呢度服務非常之好，差唔多每道菜式之間，都會替我哋添熱茶同換碟，好貼心。話咁快又食完一餐，期待下一次再黎過！
Post
