木船 (Closed)

平時經過都見到大埔呢間泰國菜館好多人等位，今晚終於有機會試吓了。餐廳位置好方便，位於大馬路地舖，附近仲有錶位可以泊車，非常方便。喺門口等位大約等左5分鐘，店員安排我哋坐梳化二人枱嘅位置。餐牌上嘅圖片圖文並茂非常吸引，每一款食物都好想試吓。首先叫了一些小食和飲品。先來一個蟹肉芒果沙律，味道酸酸甜甜好開胃，而且蟹肉同芒果嘅份量都頗多，都幾足料。還有粟米墨魚餅和泰式椰汁雞湯同樣滋味。女士們最鍾意熱的飲品，朋友就點了熱薑蜜，她說飲完後即刻成個人暖晒。我的就是脆爆芒果樂園，見到實物的時候我們嘩然一聲！真的很壯觀！而且賣相非常吸引。當中有芒果糯米糍、芒果味爆谷和芒果粒等，還有一些Creamy在面頭，飲落去有咬口之餘，更絲滑無比。主菜就是泰式雞肉意粉，遠處已經聞到好香的味道，食落去意粉好入味，雞肉份量多，而且肉質滑嫩，好夠辣。最後兩人消費都只是$450有找，已經食到好飽肚。總括而言，食物質素唔錯，難怪經常滿座，值得再試。