金鶴拉麵 (九龍城道) (Closed)

每次想食雞白湯拉麵都會諗起金鶴，之前已經食過佐敦分店，今次就去左土瓜灣分店。極濃雞白湯拉麵 $138今次照舊揀左店長推介既極濃雞白湯拉麵，湯底非常濃厚，味道超濃郁，口感好creamy，食得出係用左好多時間去熬製出來的精華！麵質彈牙，上面既炸牛蒡好脆口，我自己中意一半就咁食，一半浸湯食。金鶴 ‧ 雞白湯沾麵 $138朋友係沾麵愛好者，市面上好少有雞白湯既沾麵，可以一定要試試佢! 麵質緊實彈牙，掛湯能力好，份量都頗足，男仔食都好夠飽。最重要個湯底比拉麵更濃稠，膠質出晒來，口感滑順但唔會膩。店員服務態度好親切貼心，又會問下我地食後感，顧客體驗good good