劉興記生煎包專門店

Open Now

Now Closed

今日同屋企人一齊嚟咗旺角行街，之後就去「劉興記生煎包專門店」醫肚，我地最鐘意佢嘅生煎包同上海小籠包。首先講下環境，鋪頭唔算好大，但坐得都幾舒服，乾淨企理。我哋叫咗幾款嘢食，第一樣一定要試嘅就係「蟹黃生煎包（2隻）」。包底煎到脆卜卜，入口有陣陣焦香，包皮厚薄適中，唔會太厚令人成膩。最正係入面嘅餡料，肉餡混合咗蟹黃，鮮味提升咗幾個層次。咬開一口，肉汁同蟹黃香味即刻爆出嚟，啖啖都有蟹黃嘅鹹香。「原味上海小籠包（4隻）」小籠包個皮薄得嚟又夠韌，唔會一夾就穿，入面啲湯汁超多又清甜，肉餡唔會太肥膩。記住食嘅時候要小心啲，唔好一次過咬爆，否則啲湯會流晒出嚟😅肉餡鮮甜，好滋味。另外我哋仲點咗「招牌炸雞扒湯麵＋生煎包（1隻）配凍豆漿」。炸雞扒真係幾大件，外皮炸得香脆，肉質嫩滑，唔會乾柴。湯麵個湯底清甜，麵條煙韌彈牙，配埋一隻生煎包，真係好滿足。凍豆漿都唔錯，唔會太甜，飲落好順喉。佢地食物好有水準，好滿足，加埋堂食免費豆漿任飲，所以我地用餐期間，見佢不停爆場。