滷友記 (華都中心)

Open Now

Now Closed

今日屋企人去左打牌，得自己一個人食晚餐，唯有就去滷友記食飯，呢間台灣餐廳已經食過好多次，每次想食台灣野都會揀呢間😳次次都食佢地嘅台式酥炸雞扒飯或者古法滷水麵。今次想試下新野，就叫左從未試過嘅胡椒咸菜豬肚湯飯，胡椒味好重，飲完啲湯真係會成身都暖笠笠，咸菜份量都好多，豬肚口感都幾爽口，呢啲配搭食湯飯真係好正😋我再叫多個椒鹽炸墨丸，雖然係炸，但係墨丸仍然食到入面會keep住有少少汁，一啲都唔乾，仲係Juicy。滷友記真係好好食😋荃灣分店環境都好闊落、好舒適大家想食台灣野都可以試下佢。