雲川 米線．紅薯粉 (貝爾特酒店)

Open Now

Now Closed

在屯門剪完頭髮，下午茶時間，唔係好餓，唸起呢間川辣紅薯粉，之前食過味道真係好好，令人回味，而且地點又方便，屯門站行4分鐘便可到達，雙腳好自然咁行咗過去😂。雲川喺屯門好出名，有幾間分店，但我只去過呢間食。店鋪用QR code 落單，好快就有得食。呢間店的豬頸肉同腐皮蝦卷之前都食過，非常好味，不過今次唔太肚餓，所以叫咗豬骨湯底紅薯粉，微辣，加腩肉，凍檸檬茶，$45。紅薯粉一上台，賣相非常吸引！紅紅黃黃，睇起嚟好似幾辣，但其實唔太辣，面頭淋上一層辣汁，但濃香的豬骨湯先係主角，呈奶白色，好惹味，相信是用心餚製，飲完都唔覺得口渴。湯底有酸菜芽菜，又酸又辣又有豬骨味，正呀！紅薯粉滑捋捋，唔使點咬直接吞落肚。腩肉肥瘦適中，好入味，厚薄切得啱啱好。又一次完美的體驗！