叫咗兩份套餐，套餐本身會有碗白飯+生雞蛋+湯，仲有西蘭花食，而西蘭花、白飯同埋碗湯係有得再添嘅。餐廳每三個月轉一次湯品，今次飲嘅係雜菇花枝丸湯，入面加入咗大量唔同嘅菇菌，同埋3粒花枝丸，花枝丸口感軟淋，雜菇湯味道香濃幾暖胃。
3件漢堡排套餐 $125
第一款漢堡扒套餐係青咖哩 + 2件原味。店員會上曬兩款原味漢堡扒之後再上青咖哩味。原味嘅漢堡扒，餐廳有幾款推介食法，覺得燒肉醬加蒜香辣椒醬嘅食法，最能突出漢堡扒燒肉味嘅感覺。 當然仲有其他唔同嘅調味料同埋醬汁可以加來食。
3件漢堡排套餐 $140
另一款漢堡扒套餐就叫咗青咖哩 + 原味 + 芝士三種口味。芝士漢堡扒本身店員就係上面加上大量嘅芝士碎，味道鹹香； 而青咖哩嘅口味略帶微辣，用上南洋青咖哩嘅醬汁，表面加咗香草醬、菠蘿，入口有明顯既南洋風味，香濃美味。
