Video
Read full review
2023-03-01
19 views
上海小聚📍北角馬寶道3號君譽峰地下15號舖呢日同朋友去咗北角匯行街，到晚餐時分，就揀咗呢一間食餃子同湯餃嘅上海，專門店嚟食。除咗價格便宜之外，味道同賣相都一流，難怪會有咁多街坊幫襯，相信係當區嘅平民美食之一！！ 💰$60擔擔面配三隻湯餃 🍜🥟一坐低見到Menu我就已經鎖定左呢碗擔擔麵，因為我好鍾意食花生醬味好重嘅嘢，所以呢碗擔擔麵就啱晒我嘅口味。佢有肉碎同花生碎粒做點綴，原來係上海麵嚟嘅，亦都可以選擇日式拉麵或加錢轉稻庭烏冬，食上海嘢梗係照食上海麵啦！佢嘅辣味好微，花生醬味嘅湯底亦唔會過膩，正！而配三隻湯餃，我哋就揀咗大白菜鮮肉口味，餃子係新鮮人手包嘅，每隻都又大又紮實，肉汁仲好多添，即使係湯餃，層皮都唔會淋晒好好食。 💰$60四川香辣紅油配雲吞抄手 🌶️🥟全餐最重口味嘅應該就係呢個紅油抄手，唔好睇佢上面咁多調味料，又紅卜卜好似好辣咁，其實佢嘅辣只係丁點嘅啫。佢嘅雲吞勁大隻，內餡我哋揀咗西洋菜鮮肉，同樣係咁好食！雖然一次過叫10隻好似好多，但好食嘅嘢又點會嫌多呢！如果怕太多食唔晒，都可以選擇叫7隻，兩款套餐都會配一款前菜同埋一款甜品。由於當日已經賣晒酸甜蘿蔔，所以我哋兩個餐都係叫晒陳醋雲
📍北角馬寶道3號君譽峰地下15號舖
呢日同朋友去咗北角匯行街，到晚餐時分，就揀咗呢一間食餃子同湯餃嘅上海，專門店嚟食。除咗價格便宜之外，味道同賣相都一流，難怪會有咁多街坊幫襯，相信係當區嘅平民美食之一！！
[價錢 Price]
💰$60
擔擔面配三隻湯餃 🍜🥟
一坐低見到Menu我就已經鎖定左呢碗擔擔麵，因為我好鍾意食花生醬味好重嘅嘢，所以呢碗擔擔麵就啱晒我嘅口味。佢有肉碎同花生碎粒做點綴，原來係上海麵嚟嘅，亦都可以選擇日式拉麵或加錢轉稻庭烏冬，食上海嘢梗係照食上海麵啦！佢嘅辣味好微，花生醬味嘅湯底亦唔會過膩，正！
而配三隻湯餃，我哋就揀咗大白菜鮮肉口味，餃子係新鮮人手包嘅，每隻都又大又紮實，肉汁仲好多添，即使係湯餃，層皮都唔會淋晒好好食。
[價錢 Price]
💰$60
四川香辣紅油配雲吞抄手 🌶️🥟
全餐最重口味嘅應該就係呢個紅油抄手，唔好睇佢上面咁多調味料，又紅卜卜好似好辣咁，其實佢嘅辣只係丁點嘅啫。佢嘅雲吞勁大隻，內餡我哋揀咗西洋菜鮮肉，同樣係咁好食！雖然一次過叫10隻好似好多，但好食嘅嘢又點會嫌多呢！如果怕太多食唔晒，都可以選擇叫7隻，兩款套餐都會配一款前菜同埋一款甜品。由於當日已經賣晒酸甜蘿蔔，所以我哋兩個餐都係叫晒陳醋雲耳；至於甜品就係一碗有四粒嘅薑茶芝麻湯圓，佢嘅芝麻餡好重芝麻味，啱晒我！
[價錢 Price]
💰$65
煎韭菜鮮肉餃子 🥟
嚟到呢度要介紹最份量驚人嘅套餐，就係呢個10隻煎韭菜鮮肉，餃子套餐啦！除咗餃子、前菜、芝麻湯圓，佢仲有一碗和風汁蟹柳冷麵，雖然冷麵細細碗，但成個餐咁樣食一定夠晒飽，啱晒大食啲嘅你！佢嘅煎餃子皮煎得非常香脆，有開餃子啲汁流晒出嚟。果然根據我嘅理論，煎餃子一定要食韭菜呢類偏濃味嘅餡至啱！佢嘅餃子係我最近食過數一數二咁好食，如果你都係餃子控，唔試真係對唔住自己！
[價錢 Price]
💰$5
豆味好濃，飲到落底會見到一層厚厚嘅豆渣，非常足料， 十分解辣！
[價錢 Price]
💰$5
酸酸甜甜好清新，同樣係解辣一流！
Post
