今日試左間值得推介既小店!
呢間朱哥古早味蛋糕
位於元朗中心地下，
全人手即製即焗。
有6款口味選擇，各有特色，
包括蛋香原味、黑糖核桃味、
流心芝士味、抹茶紅豆味、
朱古力味同伯爵茶味。
每日分時段新鮮出爐，熱騰騰充滿蛋香~
黑糖核桃味
面層鋪上粒粒酥脆合桃，
蛋糕鬆軟綿密，
黑糖味突出，甜度剛剛好。
流心芝士味
鹹香芝士味夠濃郁，
蛋糕軟綿而不失彈性，
有流心效果，更增口感。
抹茶紅豆味
甘香抹茶味夾著綿滑紅豆蓉，
蛋糕軟滑濕潤不黏口。
伯爵茶味
茶香十足，蛋糕微甜而不膩，
蛋香味濃夠鬆軟，有驚喜。
