今年特別想食大閘蟹～～
冒着膽固醇飆升嘅風險都想食少少過吓癮👀
見到佢做優惠買一送一 「十里洋場太閘蟹珍饈饗宴」 兩位$1080 另收+1服務費
加上平時少去呢度食飯就試吓啦🦀
.
門口位置有啲騎呢～
咁啱而家利園三期係裝修緊
佢個側門隔離偏偏有部𨋢落去下層～～
啲指示都真係有啲唔清晰
我同朋友仔入咗去利園三期搵啲lift去搭嘅時候先發現行錯咗😅
.
當日星期日我哋book咗18:15
落到去下面已經好full啦！
不過都安排得好快手 即刻坐低即刻落order！
前菜小碟都勁快手嚟仲要都幾好食～
茶我哋要咗人蔘烏龍茶好香好好飲～
上菜好快！食到有啲趕急，不過大家都明嘅😂
我哋仲有多兩壺👉🏻古越龍山古越雕王～
第一次飲咁勁嘅酒～ 個味道係有啲「近」，不過加埋話梅帶點甘甜，慢慢飲幾啖幾啖又幾好飲～
好想用嚟整醉雞卷🤣
👉🏻淮揚四小品
陳皮牛肉•杞子薑汁糕•涼拌芹香墨魚片，杭椒鮑魚
每樣我都滿意～ 特別個墨魚片煮得剛好唔會過熟～ 反而個杞子薑汁糕我嫌佢薑味唔夠～～
👉🏻蟹粉紅燒翅
大癲勁大碗！超足料！食咗呢個都覺得有少少飽😂
👉🏻清蒸大閘蟹（六両）(220g - 230g)
（追加每隻$198）
今日嘅主角🥰 雖然得六両，但係佢個樣都幾OK 㗎！比想像中大隻同埋重點好食～～ 滿足滿足
拆蟹拆到我有啲攰，同埋因為佢上菜速度真係計得好迫切～唔可以慢慢他條地食～
.
聽到隔籬枱追加多一隻好佩服佢食蟹嘅速度🤣，不過佢落order嘅時候都同咗侍應講我啱啱嗰隻有啲細啊，你可唔可以幫我揀隻大番少少？👀
所以食蟹呢個真係考大家運氣🍀
👉🏻蟹粉龍躉球
呢個我覺得唔係好特別，味道唔夠深刻～
所以唔po相啦～ 同埋加咗蟹粉上去個龍躉球上邊呢食唔到魚嘅鮮味～～
.
👉🏻鮑魚伴東坡肉
除咗大閘蟹外，今日嘅MVP
好邪惡好正😈！！！呢個東坡肉會令到我下次可能食中菜都會想帶朋友或者屋企人嚟！
呢個餐單設計得幾好！真係入口即溶！！
👉🏻蟹粉蝦多士（一件）
油溢味有啲重，唔多欣賞～同龍躉一樣個蟹粉呢會蓋過咗成件蝦多士嘅味道
👉🏻蟹黃生煎包（一件）
呢啲安排喺臨尾嘅飽肚之選其實本身就唔抱有很大期望～但係呢件蟹黃生煎包有驚喜喎！足料！重蟹味！
👉🏻夠薑芝麻湯丸
最後以芝麻湯圓作結，薑湯暖下胃驅寒～～
同朋友都食得好滿足
如果之後都有呢啲著數餐同屋企朋友都肯嚟～～
環境亦都舒服，就算有長者都可以搭𨋢唔使行樓梯～～😉
