澳門麗都茶餐廳 (Closed)

呢度分開左右兩邊,牌面寫台灣牛肉麵同時又寫澳門餐廳,但其實都係同一間野.食物種類非常多,睇左好耐先睇得哂,澳門菜又有,台灣又有,海南雞,鋸扒,炒公仔麵,甚至各類砂鍋,煲仔飯都有,同朋友黎食,總有一樣o岩佢地!晚上套餐$43至五六十蚊不等.卡位幾舒服,又有電視,齋叫野飲一般茶餐廳差唔多,但連木瓜奶都有,幾好!野食方面,晚巿套餐好大份!當晚要左個鴛鴦扒,香菇雞煲同金菇肥牛煲. 豬扒好林幾好食,牛肉也不差,只係韌左d. 香菇雞同金菇肥牛則各有捧場客.美中不足o既係個場咁大,侍應不多,個場又間開幾邊,好難叫佢地過來.幸而上菜速度都幾快,等o個陣又可以睇電視,幾好,可以再來!