阿木台灣麵 (廣華街) (Closed)

呢間台灣菜小店雖然唔係大街 但係基本上咩時間佢都要排隊今日好唔容易喺炎炎夏日嘅中午排咗半個鐘先入到去 基本上每一次都係食蕃茄牛肉麵 先講吓牛肉 牛肉當然係碗麵嘅主角啦 五大塊牛展 每塊都有接近兩厘米厚 燉到好林好軟滑 即使係筋位都係入口即溶 蕃茄湯底冇得輸 仲有茄蓉 唔會太咸 一打面一啖湯好快就已經飲咗半碗湯 再講講麵條 手打麵軟硬適中 QQ地好彈牙 唔會太粗啱啱好掛到湯最後係配料 好多酸菜 酸菜唔會太酸有蒜味 令成碗麵加添左風味最後一讚係麻辣醬 麻辣香味十足 好味到買咗返屋企食芝士肉鬆蛋餅 即叫即煎熱辣辣上枱 肉鬆好多好香 而且蛋嘅份量十足 好香蛋味 整體而言真係好好味性價比十足又唔貴 就算下次仍然要排隊都會食😻