Video
Read full review
2019-05-15
33 views
以前細個成日都好想同啲先公仔一齊開party，食飯既時候有佢地係身邊一齊陪住，估唔到有間餐廳真係可以實現我童年既夢想。餐廳門口已經有一隻好大好可愛既熊啤啤，入到去每一枱枱面仲有一隻熊仔陪住食飯，真係未食飯已經俾個咁可愛既環境吸引左，餐廳入面仲有一個兒童玩樂區，啱晒小朋友係等緊野食或者食飽飽之後入去玩呀。個晚我地嗌左個二人餐，包括餐湯、餐包、啤酒脆漿炸洋蔥圈、燒美國穀飼厚切小牛扒伴醋漬野菌、露荀野菌意大利飯、甜品同餐茶。首先講左個餐湯先，我好中意個羅宋湯，夠酸同有少少微辣，而且入面好足料呀，食到大大舊既薯仔同其他材料，證明係用真材實料煲既，另外餐包焗得夠脆身，不過如果係蒜蓉包就更加完美啦。然後個炸洋蔥圈亦係獲得我地好好評價既一道食物，食炸物個脆漿好重要，呢度既脆漿做到薄薄一層而夠脆，而且洋蔥圈夠大，我平時最怕食得嗆口既洋蔥，又辣又會食到口臭，但呢度既洋蔥保持到爽脆同帶有甜味。牛小扒亦係我地另一個心水推介，除左主角牛小扒，仲有薯條同其他配菜，其中我就覺得個醋漬野菌幾特別，酸酸地幾開胃，而牛小扒有驚喜，本身見塊牛小扒好似熟左少少以為會韌，但食落其實好腍，點埋黃芥辣牛味更加突出。意大利飯就不嬲
餐廳門口已經有一隻好大好可愛既熊啤啤，入到去每一枱枱面仲有一隻熊仔陪住食飯，真係未食飯已經俾個咁可愛既環境吸引左，餐廳入面仲有一個兒童玩樂區，啱晒小朋友係等緊野食或者食飽飽之後入去玩呀。
個晚我地嗌左個二人餐，包括餐湯、餐包、啤酒脆漿炸洋蔥圈、燒美國穀飼厚切小牛扒伴醋漬野菌、露荀野菌意大利飯、甜品同餐茶。
首先講左個餐湯先，我好中意個羅宋湯，夠酸同有少少微辣，而且入面好足料呀，食到大大舊既薯仔同其他材料，證明係用真材實料煲既，另外餐包焗得夠脆身，不過如果係蒜蓉包就更加完美啦。
然後個炸洋蔥圈亦係獲得我地好好評價既一道食物，食炸物個脆漿好重要，呢度既脆漿做到薄薄一層而夠脆，而且洋蔥圈夠大，我平時最怕食得嗆口既洋蔥，又辣又會食到口臭，但呢度既洋蔥保持到爽脆同帶有甜味。
牛小扒亦係我地另一個心水推介，除左主角牛小扒，仲有薯條同其他配菜，其中我就覺得個醋漬野菌幾特別，酸酸地幾開胃，而牛小扒有驚喜，本身見塊牛小扒好似熟左少少以為會韌，但食落其實好腍，點埋黃芥辣牛味更加突出。
意大利飯就不嬲都係我心目中無得輸既菜式黎既，野菌就更加係同意大利飯既最佳配搭，不過今次我覺得最抵讚既就係呢度既意大利飯最露荀切碎埋入去，令每一嗒飯都有野菌既香再加露荀既甜。
甜品個到我地本身想加錢轉做心太軟，可惜個日太遲先去到，心太軟已經賣晒，得番雪糕做甜品，不過餐廳竟然有提供椰子雪糕呀，清甜既椰子作為飯後甜品簡直一絕呀。
飲品方面我地都升級左要特飲，不過杯草子莓莓只係一杯士多啤梨味既fruit punch無咩特別，而個杯紅荳pop-pop即係落左焦糖漿既紅荳冰，本身應該有埋爆谷，不過又係無晒，焦糖味好出，不過略嫌搶走左啲奶味，但啲紅荳勁大粒呀，啱晒中意食紅荳既朋友仔。
每次都會透過以下6大方面評分(滿分:30分)
味道 : 4 / 5
環境 : 4.25 / 5
外觀 : 4 / 5
價錢 : 3.5 / 5
服務 : 4 / 5
回頭率 : 4 / 5
總分 : 23.75 / 30
性價比
餐廳周圍都佈滿住熊啤啤公仔或者裝飾，環境好適合一家大細或者同我一樣中意毛公仔既朋友仔去，而且店舖提供既食物都有一定既水準，唔知下次我有無機會試埋佢地既心太軟呢。
Post