鼎皇臭臭鍋 (Closed)

係尖沙咀做完運動隨便逛逛覓食，再黎多次encore呢間一人一鍋，因為啱哂我口味。夜晚8點幾黎大概都仲有位，可以揀位坐，揀左窗口卡位。平時一人一鍋多數都係連鎖快餐店，呢間就專做一人一鍋，所以d食物都有質素d，係一人一鍋既新境界。揀左藥膳鍋，因為可以轉牛肉，上次嚟已經食過，質素唔錯，個藥膳湯底幾好飲；另外，朋友叫在個台式麻辣鍋，呢個越食越辣。材料新鮮，牛肉好靚；仲有好多丸，佢啲丸唔係普通街邊既丸，都係比較特別既丸，每粒都好好味，但每粒丸入面都有餡同汁，小心唔好熱親。個餐仲包埋台式飲品。每人約一百蚊左右，質素唔錯，位置又方便。