明星海鮮酒家 (Closed)

今晚一行五人擦餐勁！平平哋食下海鮮又唔想行到咁遠，喺市區真係冇乜選擇！當日冇咩人食飯，可鬆鬆動動地坐係一齊！＄78可以食到京式片皮鴨，只係包左一食，整得普普通通，但勝在連薄餅皮一起附上，上枱時熱辣辣，價錢又唔貴！第二樣係燒乳鴿， 雖然係＄28隻，但係真係唔係好好食！上枱時又唔熱，皮又唔脆。之後就係食上湯龍蝦伊面，味道唔錯，而且龍蝦係新鮮嘅！好似大概百幾蚊到啦！最值得讚嘢係清蒸蒜蓉聖子，＄78都有四隻，加多一隻比多＄20 !啲聖子大大隻又有鮮味！最後叫咗個臘味糯米飯，之前食過呢間嘅糯米飯係幾好食，但係今次就整到濕咗啲啦！你未到都係同以往一樣好好食！甜品方面呢我唔記得咗影相，只係記得影呢個棗王糕，味道一般，但係真係好平，我哋叫咗幾款甜品嘅價錢都好平，平均十元一樣，作為一歺晚飯圓滿嘅句號！