賴尿蝦非常出色。已經脫殼、用薄漿炸。裡面神奇地包住肉汁。不過話說回來，賴尿蝦難剝殼，但係幫佢做柔軟體操、千辛萬苦剝完殼、舔手指果下風味，又係好獨特嘅。
冰鎮咕咾肉。非常脆、亦係唔乾，味道好。不過份量比想像中細。
龍躉兩食，呢味炒球好好食。唔理儀態顧唔到其他人未食，我食左兩舊。
忘記了正名的「招牌雞」，極度普通，可以略過。
雞煲翅。湯底正，翅唔得。好多係連住肉的部份，唔靚。
乳鴿，一般。
冇睇餐牌，估計係蠔油柚皮，ok。
豉汁炒蜆，腥嘅，全晚最失敗之作。
最後，「午餐肉蛋白炒飯」。正到不得了！！呢味小朋友食物，好多大人搶住食。
開開心心又一餐。老人家大病初癒，可以一家人坐低食飯，已經係好大嘅幸福。
