餓居

Open Now

Now Closed

今次已經係第三次幫襯餓居。香港難得既特色居酒屋，店內標誌性既櫻花樹同日本燈籠絕對係打卡愛好者必須要有既集郵目標。適逢一年一度母親節，特意帶媽咪黎呢間靚靚居酒屋。食物方面，今日主揀左燒物，炸物同鍋品料理。燒牛舌，香口而又內軟，佐酒一流！水果燒牛肉卷盛合，惹味既燒牛肉配上清新生果中和油膩感，效果極佳！燒蠔，蠔味濃厚，肉身嫩滑！甲羅燒，濃味蟹膏配上小飯團，開胃～野菜天婦羅，香脆可口而不油膩，讚👍🏻清酒煮蜆，鍋燒式上枱，酒頭清甜，蜆肉細嫩，份量亦好見食！壽喜燒牛肉鍋，牛味十足調味適中，疏菜入味！開業不足一個月已經食第三次，鋪面賞心悅目，食物質素高而又多款式，持續推薦！