殿·大喜屋

Open Now

Now Closed

之前知道花月庭結業消息有d失望，心諗香港又少一間有質素嘅酒店自助餐放題。點知過左一排朋友同我講moko 開左一間殿大喜屋，正正位於前花月庭嘅位置，知道依個消息，立即約朋友去食。有興趣去食嘅，記得預早book 位，比我想像中還要多人。餐廳空間感十足，除左QR Code落單，外面有還有生果、飲品、冷盤熟食，我地當日有生果有士多啤梨和榴槤蓉，未食正餐先要先食兩杯榴槤蓉，好正。另外有比較特別飲品，不錯。食得放題當然唔少得松葉蟹腳、金槍魚腩、北海道鮮帶子、赤貝、甜蝦、海赤蝦。另外點左一份鱆紅魚薄切，上枱相當有板有眼，有omakase 的感覺。壽司點左鹽燒左口魚邊火炙海膽帆立貝鵝肝芝士鰻魚卷、黑松露帶子、京蔥風味赤蝦。不得不提佢地嘅日本北海道海膽軍艦、海膽拖羅，海膽鮮甜美味，拖羅有入口即溶口感，好正。另外點左皇牌燒乳鴿王、花雕醉鮑魚、川燒珍寶鮮蠔燒、西京燒比目魚、上湯龍蝦伊麵，每樣都好有水準，川燒珍寶鮮蠔燒勁惹味，上湯龍蝦伊麵有兩件大大件嘅龍蝦肉，份量十足。殿堂級鐵板鵝肝厚多，邪惡嘅當然香口美味，忍唔住會食多兩件。