殿·大喜屋

Open Now

Now Closed

就嚟母親節提早同媽咪慶祝母親節， 朋友介紹呢間殿大喜屋性價比高今日專誠帶阿媽嚟試下。呢間放題地點超級方便 就喺旺角東站帝京酒店2樓， 地方好大，環境舒適座位寬敞。刺身新鮮甜美， 款式多選擇，海赤蝦、甜蝦、 北海道帶子、赤貝、 北寄貝、 油甘魚池魚等等， 仲有蟹肉鮮甜啖啖肉嘅松葉蟹腳， 令我最驚喜嘅係我最鍾意食嘅三文魚子同蟹子都係任食㗎， 淨係食刺身都值門票價。除咗刺身外，好多熱食都好有水準， 川燒珍寶鮮蠔， 大大隻肥美肉嫩， 加上超多蒜蓉， 鮮甜惹味。黑椒蜜汁 一口牛， 脂肪比例平均肉質嫩滑， 香口美味。海膽拖羅鱈魚乾手捲，海膽creamy 拖羅鮮嫩， 加埋鱈魚乾三文魚子，口感豐富有層次。自助區仲有多款冷熱飲品、前菜、熱食、生果、甜品任飲任食， 雪糕仲有häagen-dazs同Movepick 超豐富超滿足。