Video
Read full review
2017-12-26
85 views
今日同朋友兩個人去食宵夜，之前食過幾間樓上餐廳都唔錯。今日繼續試！朋友話聽過有間串燒好得，於是我地就係到！我九點一入到去唔算好多人，但食到中途就開始full house !啲位坐得好舒服，同埋都唔會話好大油煙。事不宜遲，即刻講下第一樣菜色！明太子蟹肉玉子燒($78)上面寫曬字既就係明太子，佢分量岩岩好，而且佢既咸香配埋個蛋再加上新鮮既蟹肉係中間，好好食！之後就到芥末八爪魚($48)食落好有口感，新鮮彈牙！唔會話好林身，同埋味道辣得黎仲有鮮味，唔錯唔錯！然後就係牛肉他他沙律($68)如果怕食生牛肉既朋友就千萬唔好叫，如果唔怕既就一定要叫！好好食！佢啲牛肉好新鮮，食落好重牛味，加埋殺菌生洋蔥既鮮甜，再加埋少少甜豉油吊出個種肉味。配合得岩岩好！推薦！吉列廣島蠔($48)個炸蠔外趣內軟，咬落去啲蠔汁爆出黎！食得出係好新鮮。仲要唔鯹。正！日式一口雞($42)炸雞夠滑，肉汁夠多，份量又夠大！最正係佢個芥末沙律醬，甜甜辣辣，好香好好味！依份炸雞好食過好多炸雞店！之後就到全打，串燒啦！首先係燒紐西蘭羊架($82)同燒雞軟骨($32)羊架岩岩好七成熟，食落唔會有血水但又唔會太老，而且佢剪開埋黎上，好細心
我九點一入到去唔算好多人，但食到中途就開始full house !啲位坐得好舒服，同埋都唔會話好大油煙。事不宜遲，即刻講下第一樣菜色！明太子蟹肉玉子燒($78)
上面寫曬字既就係明太子，佢分量岩岩好，而且佢既咸香配埋個蛋再加上新鮮既蟹肉係中間，好好食！之後就到
芥末八爪魚($48)
食落好有口感，新鮮彈牙！唔會話好林身，同埋味道辣得黎仲有鮮味，唔錯唔錯！然後就係牛肉他他沙律($68)
如果怕食生牛肉既朋友就千萬唔好叫，如果唔怕既就一定要叫！好好食！佢啲牛肉好新鮮，食落好重牛味，加埋殺菌生洋蔥既鮮甜，再加埋少少甜豉油吊出個種肉味。配合得岩岩好！推薦！吉列廣島蠔($48)
個炸蠔外趣內軟，咬落去啲蠔汁爆出黎！食得出係好新鮮。仲要唔鯹。正！
日式一口雞($42)
炸雞夠滑，肉汁夠多，份量又夠大！最正係佢個芥末沙律醬，甜甜辣辣，好香好好味！依份炸雞好食過好多炸雞店！之後就到全打，串燒啦！
首先係燒紐西蘭羊架($82)同燒雞軟骨($32)
羊架岩岩好七成熟，食落唔會有血水但又唔會太老，而且佢剪開埋黎上，好細心，岩曬唔食啜骨頭既客人！雞軟骨就三個字，香、爽、脆。食落咔咔聲又有肉汁，好味！
之後依個bb蘆筍($38)
烤得岩岩好，唔會太乾。夠曬甜，又夠爽脆！
之後黎既有翠肉瓜($24),京蔥($22),京蔥雞肉串($48)一口和牛串($78)!
最驚喜既係個京蔥，通常燒京蔥都會好辣。佢依個辣度岩岩好，仲有好多甜味。燒得好香，加埋肉食冇得頂！
個一口和牛都好好食，佢唔係燒到全熟，令牛肉本身既口感仲留返係到。而且好重牛油香，肥瘦適中，值得一試！
跟住仲有煙肉荔枝圈($38)同秋葵($24)
個煙肉荔枝圈好好好好好食！個口感好特別，因為煙肉本身比較肥，好容易燒到脆身，有少少燶既味，再加上荔枝既爽甜，超夾！咬落去一啖咸香一啖果香！秋葵就唔錯但比較少調味！
Post
