Video
Read full review
2010-04-05
39 views
一直誤會了做買一送一的BUFFET是位於旺角某間新開酒店,訂完位先知係這間九龍諾富特酒店,好在食評未是一面倒,一百蚊一位,咁抵就要下啦早兩日網上訂座,即日及食飯當天都有服務員打電話來確認.咁緊張,以後無人幫襯,點知全場滿座不得止,我們坐的已經是近門口的加檯位,有兩檯人更坐到門口外面,厲害!服務員逐檯宣告BUFFET開始,全場人"炸"一聲衝出去,首場期衝是刺身和海鮮欄,我先往沙律區進發,菜類有十款,而配料加醬汁多達廿款都有!響沙律區只有我一人獨享的情況下,細慢地執了一碟沙律作開胃菜,有栗米,紅腰豆,紅菜頭,牛油生菜,紅椰菜,洋蔥圈.酸瓜,最驚訝有原粒燒蒜頭而已撈好的沙律都有三款,有蒙古牛肉沙律,西芹蝦沙律(d蝦畀人食哂),菠蘿蕃茄沙律.反奇道而行下,第二碟是拿甜品本身不好甜品的,但見到幾款蛋糕的味道是甜酸系,有點吸引.黑加侖子荔枝蛋糕,青蘋果蛋糕,黑森林蛋糕也是忌廉多,蛋糕只佔薄薄的一層子,質地很濕潤,怪怪的.一個綠茶蛋糕反而不錯,好似雪芳蛋糕,清清淡淡.另外至愛的薰衣草/士多啤梨奶凍,芒果布甸和桂花糕,奶凍又滑又香,士多啤梨味好好食,薰衣草陣味超怪,布甸都不錯,香滑,但不知為何係咁"出
早兩日網上訂座,即日及食飯當天都有服務員打電話來確認.咁緊張,以後無人幫襯,點知全場滿座不得止,我們坐的已經是近門口的加檯位,有兩檯人更坐到門口外面,厲害!
服務員逐檯宣告BUFFET開始,全場人"炸"一聲衝出去,首場期衝是刺身和海鮮欄,我先往沙律區進發,菜類有十款,而配料加醬汁多達廿款都有!響沙律區只有我一人獨享的情況下,細慢地執了一碟沙律作開胃菜,有栗米,紅腰豆,紅菜頭,牛油生菜,紅椰菜,洋蔥圈.酸瓜,最驚訝有原粒燒蒜頭而已撈好的沙律都有三款,有蒙古牛肉沙律,西芹蝦沙律(d蝦畀人食哂),菠蘿蕃茄沙律.
反奇道而行下,第二碟是拿甜品本身不好甜品的,但見到幾款蛋糕的味道是甜酸系,有點吸引.黑加侖子荔枝蛋糕,青蘋果蛋糕,黑森林蛋糕也是忌廉多,蛋糕只佔薄薄的一層子,質地很濕潤,怪怪的.一個綠茶蛋糕反而不錯,好似雪芳蛋糕,清清淡淡.另外至愛的薰衣草/士多啤梨奶凍,芒果布甸和桂花糕,奶凍又滑又香,士多啤梨味好好食,薰衣草陣味超怪,布甸都不錯,香滑,但不知為何係咁"出水",桂花糕普通,淡淡地.
好啦,人潮少了點點後(無頭先咁瘋狂).可以吃正餐的食物.凍蝦和凍青口選了前者,但可能是出不切,這批蝦肉還未雪得凍,有點微暖.蝦肉爽脆,鮮甜.青口非常大隻,但我沒興趣吃.
一直旺場的刺身櫃,人流真係無停過,提供三文魚,蟹柳和鯖魚.師傅對手開著磨打,都難以趕到食客的"索求",由即切變做廚房預切,櫃中放著幾條魚演變到成盤魚,見到得啖笑=w=我吃的蟹柳非常的咸,咸到用水洗都吃不下.而另外兩款刺身老友好似幾欣賞
中西湯各一,最後階段想整碗白湯飲下,點知連一粒"湯渣"都畀人吃清光,佩服佩服Orz.麵包藍有多士,麥包和帶有紅莓粒粒的包.將麵包放在轉轉輪的焗爐,行一轉,麵包美味度即時升級!完場時一大籃包吃剩十數個,究竟是麵包好味得濟還是大家食得唔好side?呵呵
小食有雜錦壽司, 四川担担麵, 香辣牛根, 肉鬆豆腐, 凍肉腸, 辣汁素雞, 蒜味八爪魚仔, 魚皮伴芋絲,煙魚.我只小試牛根,豆腐,素雞和芋絲.將本身無味道之食材,加醬汁加調味後,帶到惹味,令人開胃,算係咁.
熱盤美食都有十幾款,個人覺得好味道的有,濃香的蒜香排骨, 嫩滑的焗三文魚頭, 厚大的檸汁龍利柳, 甜甜焗雞翼, 另外炆鴨, 牛油焗薯, 炒三蔬, 忌廉汁蘑菇通心粉和炒飯都不錯. 印度哥哥負責的果仁提子烤餅和印度薄餅,兩者一樣樣咁,分不到有什麼不同,係烤得幾香,點些咖哩汁/乳酪汁/薄荷汁更好味添.但點講都好,呢味東東始終不夠屯門紫荊的呀星做得好吃.呵.餘下的咖哩牛肉, 白飯, 蜜糖香茅豬頸肉, 甜醋豬手就沒興趣吃.
炸物只有七味香酥雞和鹵水炸豆腐,我們”尾圍用膳”下只見到剩左勁多炸豆腐=.=",豆腐肝硬化的,不好吃.而即切燒西冷都一樣,肉質超鞋,差點咬甩副牙.即點車仔麵只有油麵和伊麵底,配料只有蘿蔔牛什和一丸一菜.反而個湯底又幾好飲,好清甜,而蘿蔔牛肚用花椒八角炆,又香又淋又入味.
雪糕是雀巢系杯裝的,而水果有菠蘿,西瓜和蜜瓜,飲品是任飲的,有紅茶,咖啡,奶茶,不過神秘的茶車要等到一點鐘才出現,最後當然都畀大眾'洗劫一空"
用開飯優惠卷可多杯甜到膩的橙汁飲下,而網上訂位的話,店方會送上曲奇一大包,味道略甜,但心意滿分.
第一次吃自助餐吃到打仗咁款=﹏=||||原來半場都給國內旅行團包起左,兩小時內看國內同胞的'搶食戰',一笑至之好了~
Post
