天天鮮豆漿 (Closed)

朝早經過呢頭，見到呢間豆漿店，貼滿左同好多名人嘅相片，好似好有架勢咁就買支豆漿睇吓點解咁多人幫襯？！佢哋豆漿有黑豆、黃豆，兩種口味可以選擇，感覺上黑豆健康啲，我就要左支黑豆無糖豆漿！即買即開來飲，仲有少少暖暖地，感覺好新鮮！飲落去豆味濃郁，無糖真係完全冇咩甜味，like，就係想要呢種口感好似自己屋企煲出嚟㗎 ！之前電視節目話飲豆漿比牛奶健康，大家經過都可以考慮下，推介！