築地‧山貴水產市場 (Closed)

剛開張嗰時又要立食又要預約又要排隊，終於我心血來潮嚟到了。一入嚟成個地方比我想像中細，其實30秒就行到盡頭嘅壽司刺身餐廳。未攞位前經過養殖海鮮嘅水缸同雪櫃，可以睇埋揀埋入去食。店員話大嗰隻蠔會好食好多，因為咩入面嘅海水相對都多啲，無蠔名淨係話法國，但叫價160蚊隻，真係為試而試。細蠔30蚊隻，好瘦，但海水味中上，淡淡礦物味，餘隕鮮甜，肉質爽口。大蠔都係爽肉，帶甜味，之後就完咗，說好的海水呢？除咗大隻之外真係無特別，蠔嚟講大把選擇好過佢仲要價錢合理。牡丹蝦大大隻68蚊，價錢嚟講，肉質合格，味道就唔夠甜，爭啲啲。北海道海膽壽司唔記得咗，有甜唔苦好似係？食完無印象即係普通料。深海池魚壽司油潤，但係間八壽司魚油比佢更香更多。壽司set四款比單點化算，其中比較出眾嘅我認為係呑拿魚蓉軍艦，油香四溢，滿口魚香隨即爆發。本來一心最期待嘅大呑拿，入口都融化，油就油，魚香卻欠奉。壽司米略嫌乾咗小小，醋味亦不覺有差不多九百元兩位嘅晚餐，不過不失，這價錢可接受，但老實說我更可以找到更出色，坐得舒服點，而且服務好的。