大丈夫食堂 (Moved) New Location

大夫經常好多人排隊食晏嘅餐廳，但我地仍然願意等，點解？因為好食囉。有時又想食飯又想食麵，好多時我都會黎呢度食壽司烏冬定食（$60），一次過滿足晒兩個願望。個餐有沙律，烏冬同幾件壽司，雖然壽司就唔係最靚嗰啲魚生，但以呢個價錢，已經夠晒滿足啦。烏冬份量適中，個湯好好味，仲有好大片腐皮。壽司啲飯唔硬，當然如果啲魚係有多啲款就更正啦。唔好以為噉就完喇，個定食最重要係有我最鍾意嘅茶碗蒸呀😋。食埋真係perfect。呢度啲員工好有禮貌，而家坐得都舒服。抵我排咁耐隊食嘅。