正 麻辣·茶·雲吞 (Closed)

〈麻辣•茶•雲呑〉家庭式川菜近排香港好似越來越流行食四川、重慶、雲南之類嘅菜式，甚麼涼皮呀拌麵呀雲呑開到成行成市，今次又俾我搵到一間小店喇!!舖頭裝修好別緻，雖然座位唔多，但係又有卡位又有吧枱，一支公或者同三五知己一齊嚟食都冇問題。嘢食方面，舖頭嘅招牌菜係雲呑，除咗有不同餡料之外仲有可以湯同撈可以揀。想食飽啲嘅可以揀埋麵底同加餸，嚟個川式車仔麵！我就想清清哋，揀咗瑤柱豬骨湯底嘅韮菜豬肉雲呑。雲呑皮好滑好大隻，仲包得好實淨，果然係招牌菜！朋友就order咗碗正牌五寶湯麵，一碗麵有齊雲呑、腩肉、雞扒、丸類、蘿蔔，非常足料。除咗主菜，老闆娘仲推介咗幾款小食。香煎脆脆韮菜好大隻，份量十足！川煎麻辣腸粉麻辣有得揀辣度，腸粉好滑好軟熟，幾驚喜。涼拌青瓜穩陣之選，味道有少少似XO醬+蒜味，香而不辣。烏梅山楂落神花茶小店有五款自家製健康飲品，冷熱皆宜。唔想成日飲奶茶汽水，又可以多個健康啲嘅選擇。