滿滿丼 (Closed)

嚟到旺角，心思思唔知想食啲咩。就入咗去一間叫滿滿井嘅日本快餐。佢個餐牌有好多唔同嘅嘢食，有牛肉，雞肉，豚肉，鰻魚，仲有牛脷同埋鴛鴦飯。小食亦都有好多唔同嘅配搭。例如有煮蜆，青口，炸雞翼，炸魷魚，炸芝士年糕。仲有唔同嘅沙律，例如泡菜，中華沙律，當然仲有味噌湯啦！環境都幾寬闊，坐得幾舒服。時間亦都好快執行我哋嘅order! 我叫咗個鰻魚豬軟骨當配中華沙律，鰻魚好大條，好入味，豬軟骨亦都好好食，整得好林。細細份夠晒女仔一個食！我另外仲加咗$4 ，叫咗個棒棒炸雞翼，炸得好脆哦！只係加$16就可以轉套餐，套餐可以有飲品同埋杯小食一份，真係好抵！要讚一讚個黑蒜濃湯煮蜆，個蜆好入味，好新鮮，唔會有沙，套餐只要加$8就可以享受到，絕對抵食！另外叫咗個蒜片一口牛柳粒飯，點知絕對有驚喜！質素絕對媲美得嗰啲大型居酒屋，感覺我哋真係搵到旺角嘅寶藏哦！兩個人食完，每人都唔使$100 ，真係物超所值！