撈喜 (Closed)

今日好幸運系東大街既街尾揾到里間專食花膠撈麵既小店，未開門已經有人排隊等食啦。裡度有好多唔同款色既花膠撈麵同燉湯，而我就緊繫叫<招牌花膠撈麵餐> 啦。其實$148除左個麵，仲有頭盤，一個原盅燉湯都幾抵架。頭盤有兩個選擇：<炭燒豬頸肉> 同 <麻辣雲耳>，兩個人黎就可以兩樣都試曬啦。 <炭燒豬頸肉> 上面明顯見到d炭燒痕，熱辣辣味道超香呀！贊！另外凍盤既云耳好入味，帶酸好開胃。主角<招牌花膠撈麵>好大碟呀，最開心既係塊花膠又大又厚，咬落好jucy，隔離仲有大大舊花菇，真係好足料!食完主菜飲翻個<豬肚雞腳胡椒燉湯>暖胃認真一流啦，個湯好足料，仲加左好多紅棗，夠曬滋補，味道一d都唔騷。里個餐真係好低食，食材又高質，之後一定要再黎試其他野。