玥屋

Open Now

Now Closed

雖然過了好一段時間，但都係想寫返。原本諗住10月23號晚食的，因為外子壽辰，但餐廳實在太率性，話唔開就唔開⋯⋯但第二日我地仍然死心不熄⋯⋯堅持要食！我鍾意食帶子、辣三文魚、芥辣八爪魚，佢地的原隻有頭甜甘蝦都唔錯呀！刺身係唔錯的，但鰻魚壽司就普通點，唔知係咪因為外賣關係呢～佢地嘅價錢算係相宜，所以我地2個人食，3百蚊左右，已經夠食有頂肚。不過要提提佢地鋪內坐位唔多，其實真係得幾個，所以唔好諗住Walk-in去食，因為連訂枱都唔係話有就有。當然，有D應該堂食比較好食，我食過一次，但有時真係即興想食，我地都會先電話落單，預好時間去攞，回家慢慢食都好美味！