由於阿媽話想食上海野, 就揀左呢間南小館試下
6點鐘到既時候仲冇未full...6點半再去已經要等位了
等左20mins左右, 侍應小姐問我地坐唔坐高枱,
都唔知下張要等幾耐既關係, 我地都照入去坐lu...
打開menu睇下先
呢度d野多數都係呢d水位既價錢, 唔算太貴..
不過呢...到d食物黎左就知點解喇XDDDDDDD
先上場係D冷盤~
OOPS......好細碟........
4個人望住呢碟野都唔知講咩好..@@
除左係細碟之外, 味道正常, 不過不失
D雞絲都冇雪味, OK既
第2樣, 酸辣湯...
30幾蚊得一盅仔...真係又係4個人望住都唔知點落手好......orz
不過我想講...好難飲呀!!! )0(
個湯得個酸字, 又咸...可能佢d鎮江醋落得太勁喇
d味道真係令人好難接受............
唔得, 呢個真係負評!!!!
好...我地希望在明天..
下一樣既係擔擔麵
1
呢個就ok既, 份量都回復正常XD
麵好幼身, 亦都夠爽口食落唔會一PAT野
湯就偏向辣味比較重, 但唔嗆喉!
由於我地一人一個麵, 呢個係媽媽嗌既唔知咩撈麵 (唔記得左個名XD)
1
佢話味道OK喎, 唔會太乾, 幾特別!
之後又黎一個冷盤, 係我既飛佛青瓜海蜇
味道唔錯, 唔會醃得太酸
海蜇佢用左比較硬身既海蜇頭
食落比普通海蜇更爽口~
WOW~鎮店之物上場!!
好搞笑佢個生煎包係連PAN一齊上
梗係想話俾人知佢係即煎XDD
好彩呢個生煎包都不負所望, 係是晚重點!!
真係未試過食生煎包個底可以脆卜卜得黎,
中間咬開有肉汁流出黎GA!!
連老豆都食到讚好!!
佢D肉餡唔o鞋, 好juicy, 同個包包好夾
加上真係新鮮熱辣, 入口既感覺非常好, 正評是我俾的!!!!
好喇, 最後上場既係我滿心期待的食物.. 小籠包 X 2款!!!*v*
其實我地叫左2款, 1款有蟹粉, 1款係普通肉餡..
我都唔記得上圖係邊款.. orz
好彩我有影低蟹粉個款咬開係咩樣XD
先講下蟹粉果個..
ER..如上圖所見...
「媽, 為何結果不是我想像的那樣」
佢唔係個種你咬開會見到一遍黃色既樣
學娘親話齋, 幾十蚊咁多蟹粉俾你真係食懵左!
會食到好輕微的蟹粉味, 即係少少腥腥地咁
不過對我同豬仔黎講, 都係original既小籠包會好食d..
硬係覺得咁樣少少腥腥地咁有d古怪..(可能我地唔識欣賞 XD)
至於普通肉餡版呢..皮夠薄
食落亦有湯汁, 湯汁既味道就唔同出面其他小籠包咁有陣鮮甜味
佢係肉味比較重~不過整體黎講都OK的!!
是晚咁樣食左大概500幾蚊...
多人一齊食真係要留意下個份量, 佢呢度D野係偏細碟
學老豆話齋, 好彩叫左一人一個麵XDDDDD
鍾意食生煎包既OP友不妨一試, 個生煎包真係幾好食!!@@
