組長日式放題 (Closed)

每次行開信和附近都會見得好多放題， 好吸引，呢次就試下喺新城5樓嘅組長日式放題。我哋八點三去到等咗一陣，就入去坐低。雖然地方唔算話太大，但裝修環境比一般放題乾淨舒服，坐得舒服。一坐低我哋就即刻落單，當然就梗係要睇下有咩好食嘅刺身先啦。刺身有十種，三文魚、甜蝦、象拔蚌都有，我哋每樣都叫D，最好食係希靈魚。朋友鐘意食沙律，樣樣都叫左一份，分量十足。食完刺身沙律，緊要試下熟食，點左唔同款的天婦羅同串燒。天婦墨係新鮮炸好，仲好脆身，同堆外皮唔會太厚，好食。最鍾意係天婦羅香蕉。串燒類都好新鮮，朋友超鐘意食菠蘿，鮮甜多汁。值得一提嘅係呢碟辣酒煮蜆，真係非常之大隻肥美。平時放題鳥冬都係求求其其，呢間牛肉烏冬同面豉湯都唔錯，用心之選。蒜香燒荷子，5星大推，非常好味呀！甜品方面，有雪糕、泡芙、和菓子、雪條，不過都夠曬。服務唔錯。下次會再來。