Video
Read full review
2022-04-06
531 views
疫情之下, 出街食飯嘅機會大減, 所以試新野都少左, 只可以長期都喺屋企附近發掘下有無正野食. 今次要介紹嘅係上個星期先新鮮熱辣喺黃埔開分店嘅榕基手撕雞！榕基本身係大埔滷水人龍店, 今次竟然逆市出市區開分店, 仲要開正喺黃埔, 梗係要試下啦! 新店無堂食, 只做外賣, 所以舖頭細細, 合理. 估唔到只係開咗一星期, 唔少人已經收到風黎懲罰, 人氣十足👍🏻 餐牌就好簡單, 主要做四種口味嘅手撕雞同小食, 包括幾款馳名嘅滷水小食! 今次我就試吓麻辣手撕雞同三拼小食: 1. 招牌手撕雞(麻辣) $72半隻 - 手撕雞份量足, 都撕得均勻, 唔會有幾舊特別大, 容易入口. 雞嘅肉質方面就一般, 唔算好滑, 可能今日隻雞比較瘦. 調味就好入味, 麻辣味好出, 仲有陣麻油香, 食到唔停得口! 如果雞可以再滑啲就完美😝2. 小食三拼 (爽脆醃蘿蔔, 香麻海蜇, 滷水豬耳) $58 - 小食方面, 三樣都好好食👍🏻👍🏻👍🏻首先講個蘿蔔, 非常新鮮爽脆, 唔似整落好耐. 味道酸酸甜甜, 但又唔會太酸, 非常開胃! 海蜇亦都唔錯, 爽口之餘麻香十足, 正! 最後個滷水豬耳, 聽講係每日由大埔總店新鮮運到,
疫情之下, 出街食飯嘅機會大減, 所以試新野都少左, 只可以長期都喺屋企附近發掘下有無正野食. 今次要介紹嘅係上個星期先新鮮熱辣喺黃埔開分店嘅榕基手撕雞！榕基本身係大埔滷水人龍店, 今次竟然逆市出市區開分店, 仲要開正喺黃埔, 梗係要試下啦!
新店無堂食, 只做外賣, 所以舖頭細細, 合理. 估唔到只係開咗一星期, 唔少人已經收到風黎懲罰, 人氣十足👍🏻 餐牌就好簡單, 主要做四種口味嘅手撕雞同小食, 包括幾款馳名嘅滷水小食! 今次我就試吓麻辣手撕雞同三拼小食:
1. 招牌手撕雞(麻辣) $72半隻 - 手撕雞份量足, 都撕得均勻, 唔會有幾舊特別大, 容易入口. 雞嘅肉質方面就一般, 唔算好滑, 可能今日隻雞比較瘦. 調味就好入味, 麻辣味好出, 仲有陣麻油香, 食到唔停得口! 如果雞可以再滑啲就完美😝
2. 小食三拼 (爽脆醃蘿蔔, 香麻海蜇, 滷水豬耳) $58 - 小食方面, 三樣都好好食👍🏻👍🏻👍🏻首先講個蘿蔔, 非常新鮮爽脆, 唔似整落好耐. 味道酸酸甜甜, 但又唔會太酸, 非常開胃!
海蜇亦都唔錯, 爽口之餘麻香十足, 正! 最後個滷水豬耳, 聽講係每日由大埔總店新鮮運到, 無得彈! 脆口又入味, 點埋手撕雞個麻辣醬又有另一番味道, 非常高質👍🏻👍🏻👍🏻
食物質素確係好, 難怪長期有人排隊, 仲要係良心店, 值得推介! 👏🏻
Post