又想懶惰唔煮飯😆😆
上網睇到有人介紹觀塘有間食辣野既小店
即刻辣癮起 點左老公收工去買返屋企俾我食🙈
由於買既時候有啲夜😣所以有啲再想食既都無哂
不過唔緊要～今次試下其他先
好食下次再去買😍
最後揀咗口水雞飯
夠辣得黎又唔會太麻 剛剛好
另外仲有炸蒜 增加口感層次亦更香濃
雞肉質嫩滑 最重要係個雞皮唔會好厚
伴飯食真係一流配搭😋
另外招牌自選米線🍜
揀左午餐肉 肥牛 鯪魚球 蘿蔔
午餐肉厚薄均勻
肥牛索曬啲辣湯 好入味
鯪魚球 想像唔到咁爽口彈牙
蘿蔔咬落去多汁而且冇渣
最後仲叫多咗個小食
麻辣雞翼尖
又係吸曬辣湯嘅味
每一下慢慢吮
啲辣味一浸一浸冚冚埋嚟
食完仲有個種餘震😆👍🏻
