鐵飯碗

Open Now

Now Closed

環境靚，服務優質，店員主動介紹菜式，而且積極主動，確保客人全程都有熱茶飲。難得嘅係餐廳唔會為左迎合大眾口味而特意修改菜式，走傳統路線，食到比較正宗嘅馬來西亞菜。✨炸蝦片👍🏻👍🏻沒有丁點油膩感，配埋特色馬來參巴醬，香辣惹味。✨娘惹海鮮小金杯👍🏻✨皮蛋五香炸肉卷｜蜜汁黑豚肉叉燒小金杯用薄脆盛載住切粒既蔬菜同海鮮，食到有彈牙帶子，口感層次豐富。✨江南煎大頭生蝦醬汁香濃，肉質夠彈牙，重點係蝦膏肥美，香噴噴😋✨炭烤黑毛豬肋骨好壯觀！店員會先擺低豬肋骨比客人影相，再切件分好，更貼心地奉上六小杯青檸汁比客人作解膩之用。✨櫻花蝦啫啫雙花👍🏻鹹鹹香香嘅醬汁同櫻花蝦，配搭椰菜花同西蘭花，一濃一淡，契合嘅口味。✨星洲海鮮炒米👍🏻👍🏻每一口都會食到香濃蛋香，鑊氣米粉配上蛋絲同蔬菜，清爽可口。我平時好少會覺得星洲炒米係好食，真心有小驚喜！✨香茅萬星愛玉凍👍🏻我係香茅愛好者，所以幾加分！愛玉冰涼好似啫喱咁，完全唔會有甜膩感覺！