順德私房菜 (Closed)

放工喺油麻地附近拎番改好既褲，和屋企人係附近一間私房菜晚飯，家人較喜歡中餐所以細佬揀左間順德私房菜。餐廳環境簡潔，店員好快就安排我地入座了。我地點左個清蒸海斑仔 一籠甜梅菜籠仔蒸菜心同欖角骨。要贊一下個清蒸海斑仔幾新鮮且肉嫩，唔會蒸得太乾岩岩好，加埋配料非常美味！甜梅菜龍仔蒸菜心 籠底有荷葉嘅香氣配搭上梅菜加菜心，酸酸甜甜夠開胃，連小朋友都鍾意食！最後黎左欖角骨 這道菜整得相當香口，配飯很不錯，醬汁佈滿食材！呢間順德私房菜 好味、正宗又地道，下次都會同屋企人來試下其他菜式呢！