新麻蒲 BBQ (大埔超級城) (Closed)

今日又係大埔行完山 又夜又累 就同朋友周圍搵野食補充返啲體力啦 係大埔超級城一田附近見到呢間新麻蒲燒烤餐廳 裝修別緻而且質素好似幾得 就入去試下啦我地叫既係牛肉套餐 食材有特級霜降牛肉 秘製牛肋排 新麻蒲秘製牛五花肉 特選韓式雜錦拼盤(年糕 蘑菇 豬肉香腸 大蝦) 新麻蒲部隊鍋特級霜降牛肉 名副其實 油花分佈均衡而豈富 好似雪花霜降咁 牛肉味較淡但都非常滿足牛助排 牛脂較少 但牛肉味比霜降牛肉濃 可以話互相補足五花肉 油脂極豐富 非常甘香 提醒大家係燒果陣要小心 因為此乃惹火油物!韓式雜錦拼盤 材料都尚算新鮮 幾好食部隊鍋 係驚喜 蛋 牛肉 等等既食材配上秘製醬汁 再拌埋個飯 十足十置身於韓國國土上面食飯一樣