南대門3號

Open Now

Now Closed

今晚約咗個大學同學，去金巴利道，俾佢揀食邊間韓食，兩個女仔本來食唔得幾多，不過佢花名「飯桶」，都唔怕點多d。韓式雜錦拌飯先來一個韓式雜錦拌飯，份量都唔少，兩個人share都好夠。專登唔點石鍋，貪佢唔會太油同熱氣，有大豆芽，木耳，紅蘿蔔，蘿蔔，牛肉，翠肉瓜，加上煎蛋，撈埋韓式甜辣醬一齊食，唔膩，啖啖都多餸。海鮮辣豆腐湯（配白飯）海鮮方面有蜆有蝦，份量都幾多，幾新鮮，豆腐好滑，連埋個辣湯，唔會剩係得個辣，有蒜香味同埋海鮮嘅鮮味，夠哂韓式既香辣味，佐飯都係一流。鐵板炒牛肉最後就點咗個heavy d既鐵板炒牛肉，份量勁多鐵板保持住牛肉既熱度，洋蔥炒既韓式牛肉香濃惹味，我試過用泡菜夾埋一齊食味道都非常滿意，用嚟送飯一樣好味。我哋2個食咗3人份量，超飽，好在都冇嘥嘢，食得哂，係有「飯桶」先食到。