中川

Open Now

Now Closed

唔洗飛中本都可以食到正宗關西風壽喜燒？餐廳由日籍資深師傅主理，所以有食材都係黎自日本，午市套餐由$280起，性價比非常高。「絢AYA一人前」阿波美雞南蠻漬雞肉肉質緊實，醬汁酸酸地，食落幾開胃。和風茶碗蒸蛋蒸蛋入口滑溜，蛋味濃郁，面層有一絲絲蟹肉，鮮味突出，令味道層次更豐富。和牛壽喜燒選用鹿兒島縣同埋滋賀縣產嘅黑毛和牛各1片，每片約60g，肉質嫩滑，油脂分佈均勻，配上福岡縣白水晶糖同埋和歌山手工醬油秘製而成嘅壽喜燒汁，蘸埋「日本ーこだわり卵」嘅蛋漿，簡直係幸福。蔬菜拼盤、北海道白米飯配味噌湯及漬物蔬菜拼盤有豆腐、丁字麩、洋蔥、冬菇同春菊，洋蔥煮得好軟腍入味，要黎送飯一流！日本雪糕雲尼拿雪糕配自家製紅豆蓉，紅豆蓉甜度適中，入口綿密，完美嘅一餐就此完結。