職員先遞上一碗冰粉，在食辣野前可以墊一墊個胃，雪耳味香甜。
特色果香鴛鴦鍋，配普通辣湯底，$38/位，果香湯底用蘋果同雪梨肉煮成，重慶麻辣湯底好夠辣惹味，用上花椒同辣椒，辣得食到令人出晒汗。
稻田毛肚，下面用冰墊住，保持新鮮，切得薄透，煮一分鐘就可以食，咬落爽脆入味。
鮮黃喉，入口爽脆，吸收晒麻辣湯底的精華，不韌不油。
嫩牛肉，肉質嫩滑鮮甜，煮幾分鐘就可以食，咬落軟稔滑身。
美國安格斯優質肥牛，賣相吸引，雪花油脂分佈平均，肉質鮮甜，牛肉味濃郁。
苕粉，寬條晶瑩，煮熟彈牙滑溜，口感煙韌。
紅糖糍粑，即整熱辣辣，外脆內軟，入面係煙韌的糯米糍，淋上紅糖一齊食，口感層次豐富。
