河內越式料理 (村南道)

Open Now

Now Closed

平時都好鍾意食越南嘢，生熟牛河同蝦餅係我嘅至愛！今次都唔例外，先order一個生熟牛肉湯河粉，生牛肉就係嫩滑嘅牛肉片，用清甜嘅熱湯浸到半生熟咁食就最好味，熟牛肉係牛展位有啲筋，彈牙好咬口！朋友叫咗個越式河內三寶飯，大大份好抵食，雞翼煎得香脆，豬扒肉質鬆軟又Juicy,仲有扎肉香口爽彈～～我哋仲叫咗兩個小食share，就係我至愛嘅蝦餅，點上酸酸甜甜嘅醬簡直係超好味，蝦餅外皮酥脆，肉質剛好彈牙唔會太實～～另外嘅炸春卷都好正，上枱熱辣辣，炸到脆卜卜，口感豐富！嗌咗兩杯特飲，一杯珍多冰，另一杯椰汁椰果西米露，椰汁好香濃，推介！