終於等到我個bestie番香港喇，佢話好掛住港式避風塘嘢，我就一於帶佢來位於尖沙咀喜記蟹將軍旗艦店！兩個人邊食邊吹水，食咗好多嘢，全部都好好味，特別係鎮店之寶《避風塘炒辣蟹》，真係超級正呀
🔮 避風塘炒辣蟹
啱啱上枱已經香到爆，炸得金黃嘅蟹身+脆卜卜炸蒜+乾辣椒，呢個避風塘炒法絕對鑊氣十足🔥蟹肉夠厚、彈牙鮮甜，我地叫咗小辣，辣度啱啱好，完全停唔到口～重點係店員會幫你拆殼，解放雙手咁食蟹超滿足🥹✨仲可以打包埋炸蒜返屋企煮嘢食或者撈麵添呀！
🔮椒鹽富貴蝦（瀨尿蝦）
炸到香脆，蝦肉超實淨又多蝦膏，外酥內嫩💥每一啖都係椒鹽香氣～鹹香惹味，真係有驚喜！
🔮 油鹽水浸蜆
湯底超香胡椒味，蜆肉飽滿滑嫩，粉絲吸晒精華～鮮甜得來咸而清香又暖胃，愛咗💕
🔮瑤柱蛋白炒飯
炒得乾身夠香，鑊氣十足，仲加埋蟹膏炸蒜一齊炒，入口更惹味，而且份量十足，我地兩個最後仲打包外賣呀～
食相靚，味道正，打卡食蟹兩樣都滿足✅ 真係可以話係食完會再翻兜的餐廳
