珍味地道韓食 (Closed)

幫襯咗十幾年，好食好正宗，但係點解今日至寫食評，因為懶😅咁點解有衝動寫？因為一支竹簽😄幾個月以嚟想叫部隊鍋，成日都冇，今日竟然有。八卦問吓老闆娘，原來之前冇竹簽串住啲麵皮，佢話咁樣唔得正宗，唔可以咁，所以唔供應。對於我好少事，冇串住我都唔會知。值得讚同推介，唔係淨係好味，係老闆娘嘅認真同用心做菜式！韓菜成行成市，我唔敢話佢最好，但係佢嘅認真同一絲不苟，我相信一般流水作業式嘅一定做唔到。除咗部隊鍋，仲極力推介牛肋條（非常入味）、泡菜煎餅、人參雞湯、炒年糕。如果好鍾意泡菜，一定要食同買走，佢係自家制